ai jazba-e-dil gar main chahuN har chiz muqaabil aa jaye

0
22

Ai jazbaa-e-dil gar main chaahuun har chiiz muqaabil aa jaaye
Manzil ke liye do gaam chaluun aur saamane manzil aa jaaye

Ai dil kii Khalish chal yuun hii sahii, chalataa to huun unakii mahafil men
Us vaqt mujhe chaunkaa denaa jab rang pe mahafil aa jaaye

Ai rahabar-e-kaamil chalane ko tayyaar to huun par yaad rahe
Us vaqt mujhe bhatakaa denaa jab saamane manzil aa jaaye

Haan yaad mujhe tum kar lenaa aavaaz mujhe tum de lenaa
Is raah-e-muhabbat men koii darapaish jo mushkil aa jaaye

Ab kyuun dhuundhuu vo chashm-e-karam hone de sitam balaa-e-sitam
Main chaahataa huun ai jazbaa-e-Gam mushkil pas-e-mushkil aa jaaye

Is jazb-e-dil ke baare men ik mashvaraa tum se letaa huun
Us vaqt mujhe kyaa laazim hai jab tujh pe meraa dil aa jaaye

Ai barq-e-tajalli kyaa tuune mujhako bhii muusaa samajhaa hai
Main tuur nahiin jo jal jaauun jo chaahe muqaabil aa jaaye

LEAVE A REPLY

Please enter your comment!
Please enter your name here

twenty − sixteen =