Dil pe karte hain dimagon pe asar karte hain

0
23

Dil pe karate hain dimaagon pe asar karate hain
Ham ajab log hain zehanon men safar karate hain
Jab saraape pe kahiin us ke nazar karate hain
Miir saahab kii tarah umr basar karate hain
Bandishen ham ko kisii haal gavaaraa hii nahiin
Ham to vo log hain diivaar ko dar karate hain
Vaqt ki tez-Kharaamii hamen kyaa rokegii
Janbish-e-kalk se sadiyon kaa safar karate hain
Naqsh-e-paa apanaa kahiin raah men hotaa hii nahiin
Sar se karate hain mohim jab ko_ii sar karate hain
Ham-nashiin Khuub hai ye mahafil-e-yaaraan ke yahaan
Vo saliqaa hai ke aibon ko hunar karate hain
Kyaa kahen haal teraa ai mutamaddin duniyaa
Janvar bhii nahiin karate jo bashar karate hain
Ham ko dushman kii bhi taqliif gavaaraa na hu_ii
Log ehabaab se bhii sarf-e-nazar karate hain
Marqadon pe to charaagaan hai shab-o-roz magar
Umr kuchh log adheron men basar karate hain
Tazakaraa miir kaa Gaalib kii zabaan tak aayaa
Aitaraaf-e-hunar, arbaab-e-hunar karate hain

SHARE
Previous articleKhushbo
Next articleAai na phir nazar kahin jane kidhar gai
Awaargi.com is your News, Entertainment, Urdu Poetry, Fashion, Health and Care website. We provide you with the latest breaking news and videos straight from the entertainment industry.

LEAVE A REPLY

Please enter your comment!
Please enter your name here

15 − six =