ya rab Gham-e-hijraN men itana to kiya hota

0
17

Yaa rab! Gam-e-hijraan men itanaa to kiyaa hotaa
Jo haath jigar pe hai vo dast-e-duaa hotaa

[gam-e-hijraan=sorrow of separation]
[dast-e-duaa=hands raised in prayer]

Ik ishq kaa gam aafat aur us pe ye dil aafat
Yaa gam na diyaa hotaa yaa dil na diyaa hotaa

Gairon se kahaa tum ne gairon se sunaa tum ne
Kuchh ham se kahaa hotaa kuchh ham se sunaa hotaa

Ummiid to bandh jaatii taskiin to ho jaatii
Vaadaa na vafaa karate vaadaa to kiyaa hotaa

Naakaam-e-tamannaa dil is soch men rahataa hai
Yuun hotaa to kyaa hotaa yuun hotaa to kyaa hotaa

LEAVE A REPLY

Please enter your comment!
Please enter your name here

5 + nine =