dil ko gam-e-hayat gawara hai in dinon

0
21

dil ko gam-e-hayat gawara hai in dinon

pahle jo dard tha wahi chara hai in dinon

ye dil zara sa dil teri yadon mein kho gaya

zarre ko andhiyon ka sahara hai in dinon

har sail-e-ashk sahil-e-taskin hai aj kal

darya ki mauj-mauj kinara hai in dinon

shamon mein ab nahin hai wo pahle si roshni

shayad wo chand anjumanara hai in dinon

tum a sako to shab ko barha dun kuch aur bhi

apne kahe mein subah ka tara hai in dinon

qurban hon jis k husn pe sau jannaten 'Qateel'

nazaron k samne wo nazara hai in dinon

LEAVE A REPLY

Please enter your comment!
Please enter your name here

nineteen − fifteen =