guzare dinon kii yaad barasatii ghaTaa lage

0
19

guzare dinon kii yaad barasatii ghaTaa lage

guzaruuN jo us galii se to ThanDii havaa lage

mehamaan banke aaye kisii roz agar vo shaKhs

us roz bin sajaaye meraa ghar sajaa lage

main is liye manaataa nahiin vasl kii Khushii

mere raqiib kii na mujhe bad_duaa lage

vo qahat dostii kaa paraa hai ki in dinon

jo muskuraa ke baat kare aashnaa lage

tark-e-vafaa ke baad ye us kii adaa 'Qateel'

mujhako sataaye koii to us ko buraa lage

LEAVE A REPLY

Please enter your comment!
Please enter your name here

19 + twelve =