Jahan hawa ko ujalay nigaltay dekha hai

0
21

Jahan hawa ko ujalay nigaltay dekha hai

charagh apna wahan main ne jaltay dekha hai

zaheen hai wo kuch itna k her milap m baad

milap k ussay maani badaltay dekha hai

naseeb us ko huwi jab me're visaal ki aanch

kiran kiran badan us ka pighaltay dekha hai

jo dil ko jhaid raha tha nazr k rastay se

wo teer main ne kaman se nikaltay dekha hai

main khwab dekh raha hon tumharay sadyon se

ksi ne kya mujhe karwat badaltay dekha hai

kisi haseen gali main jo kha gaya thoker

us aadmi ko kahan phr machaltay dekha hai

tjhe wo jaan gya meri khud kalami se

wo jis ne mjh ko akailay main chaltay dekha hai

Qateel us ka shabistaan gwah hai mera

k main ne raat ko suraj nikaltay dekha hai

LEAVE A REPLY

Please enter your comment!
Please enter your name here

16 − 15 =