Wo baten teri wo fasane tere

0
17

vo baaten terii vo fasaane tere
shaguftaa shaguftaa bahaane tere

bas ek zaKhm nazzaaraa hissaa meraa
bahaaren terii aashiyaane tere

bas ek daaG-e-sajdaa merii qaayenaat
jabiinen terii aastaane tere

zamiir-e-sadaf men kiran kaa muqaam
anokhe anokhe Thikaane tere

faqiiron kaa jamaghaT ghaDii do ghaDii
sharaaben terii baadaaKhaane tere

bahaar-o-KhizaaN kam nigaahon ke vaham
bure yaa bhale sab zamaane tere

“Adam” bhii hai teraa hikaayat_kadaah
kahaaN tak gaye hain fasaane tere

LEAVE A REPLY

Please enter your comment!
Please enter your name here

two × 4 =