Topic: 'zindagii'

Contributed by Chandra Manglani:
-------------------------------

yahii hai zindagii kuchh Khaak chand ummiiden
inhiin khilaunon se tum bhii bahal sako to chalo
[Nida Fazli]

vahii hai zindagii lekin "Jigar" ye haal hai apanaa
ke jaise zindagii se zindagii kam hotii jaatii hai
[Jigar Moradabadi]

ujaale apanii yaadon ke hamaare saath rahane do 
na jaane kis galii men zindagii kii shaam ho jaaye
[Bashir Badr]

zindagii yuuN hu_ii basar tanhaa 
qaafilaa saath aur safar tanhaa 
[Gulzar]

[qaafilaa = caravan]


Contributed by Parag Pandit:
---------------------------
ai aashiq na puuch zindagii kyaa hai
zindagii to taKhallus hai muhabbat kaa
[Unknown]

[taKhallus = pen-name]


Contributed by Raheel Siddiqui:
------------------------------

zindagii maut ban ga_ii hotii jaan se ham guzar gaye hote
itane ishrat_zadaa hain ham ke agar Gam na hotaa to mar gaye hote
[Kunwar Mahinder Singh Bedi]

merii zindagii bhii merii nahiin ye hazaar Khaanon men baT ga_ii
mujhe ek muTThii zamiin de ye zamiin kitanii simaT ga_ii
[Bashir Badr]

tahii zindagii se nahiin ye fizaayeN
yahaaN saikaDon kaaravaaN aur bhii hain
[Allama Iqbal]

amal se zindagii banatii hai jannat bhii jahannum bhii
ye khaakii apanii fitrat men na nuurii hai na naarii hai
[Allama Iqbal]


Contributed by Asma Haider:
--------------------------

zindagii jabr-e-musalsal kii tarah kaTii hai
jaane kis zulm kii paa_ii hai sazaa yaad nahiin
[Sagar Siddiqui]

[jabr-e-musalsal = continuous striving/struggle]


zindagii tujh se ummiid-e-vafaa kyaa rakkhuuN
jab mujhe chhoD gaye dost puraane mere
[Muzaffar Warsi]

[ummiid-e-vafaa = hope of loyalty]


zindagii kii baat sun kar kyaa kahen 
ek tamannaa thii taqaazaa ban ga_ii
[Himayat Ali Shayar]

[taqaazaa = demand]


zindagii ek dauD hai to saaNs phuulegii zaruur
yaa badal mafhuum us kaa yaa phir fariyaad na kar
[Sharif Kanjahi]

Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment:

0 comments: