Aaye kuch Abr kuch sharab Aaye

0
18

Aaye kuchh abr kuchh sharaab aaye
Us ke baad aaye jo azaab aaye

[azaab=trouble, difficulty]

Baam-e-miinaa se maahataab utare
Dast-e-saaqii men aaftaab aaye

Har rag-e-khuun men phir charaagaan ho
Saamane phir wo benaqaab aaye

Umr ke har waraq pe dil ko nazar
Terii meher-o-wafaa ke baab aaye

Kar rahaa thaa gam-e-jahaan kaa hisaab
Aaj tum yaad behisaab aaye

Na gaii tere gam kii saradaarii
Dil men yuun roz inqalaab aaye

Jal uthe bazm-e-gair ke dar-o-baam
Jab bhii ham khaanamaan_kharaab aaye

Is tarah apanii khamashii guunjii
Goyaa har simt se jawaab aaye

‘Faiz’ thii raah sar basar manzil
Ham jahaan pahunche kaamayaab aaye

SHARE
Previous articleAaj Jane ki Zid na karo
Next articleCharaG-e-Ishq jalane ki Raat Aai Hai
Awaargi.com is your News, Entertainment, Urdu Poetry, Fashion, Health and Care website. We provide you with the latest breaking news and videos straight from the entertainment industry.

LEAVE A REPLY

Please enter your comment!
Please enter your name here

five × 3 =