Daar-o-Rasan (Gallows and Noose) Urdu Poetry

0
7
Topic : Daar-o-Rasan ( Gallows And Noose )

Teg munsif ho jahaan daar-o-rasan hon shaahid
Begunaah kaun hai
us shahar men qaatil ke siwaa
[Ali Sardar Jafri]
[munsif = judge;
daar-o-rasan = gallows and noose; shaahid = witness]
Galuu-e-ishq ko
daar-o-rasan pahunch na sake
To laut aaye tere
sarbuland kyaa karate
[Fair Ahmed Faiz]
Main chup rahaa ki
is men thii aafiyat jaan kii
Koii to merii
tarah thaa jo daar par bhii gayaa
[Ahmed Faraz]
Zindaan men bhii khinche
rahe daar-o-rasan se ham
Rahate hain sarkashon
men bahut baankhpan se ham
[Sikander Ali
Wajd]
Aayaa hai kabhii
zikr agar daar-o-rasan kaa
Gesuu-wa-qad-e-yaar
kii baat aa hii gaii hai
[Mazhar Imam]
Ye rutabaa-e-buland
milaa jis ko mil gayaa
Har muddaii ke
waaste daar-o-rasan kahaan
[“Rind”]

LEAVE A REPLY

Please enter your comment!
Please enter your name here