Ghar / Home Urdu Poetry

0
8
Topic : Ghar / Home

Wo aaye ghar men hamaare Khudaa kii qudrat hai
Kabhii ham un ko kabhii
apane ghar ko dekhate hain
[Mirza Ghalib]
Be-dar-o-deewaar kaa ik
ghar banaayaa chaahiye
Koii hamsayaa na ho aur paasabaan
koii na ho
[Mirza Ghalib]
Rahe hain yoon gah-o-begah
kii koo-e-dost ko ab
Agar na kahiye ki
dushman kaa ghar hai kyaa kahiye
[Mirza Ghalib]
Tum maah-e-shab-e-chaar
daaham the mere ghar ke
Phir kyoon na rahaa ghar
kaa wo nakshaa koii din aur
[Mirza Ghalib]
Ug rahaa hai
dar-o-deewaar pe sabzaa “Ghalib”
Ham bayaabaan men hain aur
ghar men bahaar aaii hai
[Mirza Ghalib]
Dil men zauq-e-wasl-o-yaad-e-yaar
tak baaqii nahiin
Aag is ghar ko lagii
aisii ki jo thaa jal gayaa
[Mirza Ghalib]
Aaye hai bekasii-e-ishq
pe ronaa “Ghalib”
Kis ke ghar jaayegaa
sailaab-e-balaa mere baad
[Mirza Ghalib]
Apanii galii men mujh ko
na kar dafn baad-e-qatl
Mere pate se Khalq ko kyoon
teraa ghar mile
[Mirza Ghalib]
Chhoraa na rashk ne ki
tere ghar kaa naam loon
Har ek se poochhataa hoon
ki jaaoon kidhar ko main
[Mirza Ghalib]
Ek hangaamaa pe mauqoof
hai ghar kii raunaq
Nauhaa-e-Gam hii sahii nagmaa-e-shaadii
na sahii
[Mirza Ghalib]
Kyaa hii rizwaan se laraaii
hogii
Ghar teraa Khuld men gar
yaad aayaa
[Mirza Ghalib]
Koii veeraanii sii
veeraanii hai
Dasht ko dekh ke ghar
yaad aayaa
[Mirza Ghalib]
Ghar hamaaraa jo na rote
bhii to veeraan hotaa
Bahar gar bahar na hotaa
to bayaabaan hotaa
[Mirza Ghalib]
Nazar men khatake hai
bin tere ghar kii aabaadii
Hameshaa rote hain hain ham
dekh ke dar-o-deewaar
[Mirza Ghalib]
Nagarii nagarii phiraa
musaafir ghar kaa rastaa bhool gayaa
Kyaa hai teraa kyaa hai
meraa apanaa paraayaa bhool gayaa
[Miraji]
Tanhaaii ko ghar se rukhsat
kar to do
Socho kis ke ghar
jaayegii tanhaaii
[Zafar Gorakhpuri]
Yaad nahiin kyaa kyaa
dekhaa thaa saare manzar bhool gaye
Us kii galiyon se jab laute
apanaa bhii ghar bhool gaye
Khoob gaye pardes ki
apane deewaar-o-dar bhool gaye
Sheesh mahal ne aisaa
gheraa mittii ke ghar bhool gaye
[Nazeer Baqri]

Ghar to aisaa kahaan thaa
lekin
Dar-ba-dar hain to yaad
aataa hai
[Unknown]
Ye sard raat ye
aawaragii ye neend kaa bojh
Ham apane shahar men hote
to ghar gaye hote
[Unknown]
Koii aake jaise chalaa
gayaa koii jaake jaise gayaa nahiin
Mujhe apanaa ghar bhii
ghar lagaa to Khayaal terii taraf gayaa
[Unknown]
Sunate hain ke apane hii
the ghar lootane waale
Achchhaa huaa main ne ye
tamaashaa nahiin dekhaa
[Unknown]
Baarish huii to ghar ke
dareeche se lage ham
Chup-chaap sogwaar tumhen
sochate rahe
[Unknown]
Sarak ko chhor kar
chalanaa paregaa
Ke mere ghar kaa
kachchaa raastaa hai
[Unknown]
Jis jaa makeen ban ne ke
dekhe the main ne Khwaab
Us ghar main ek shaam
kii mahamaan bhii na thii
[Parveen Shakir]
Raste men mil gayaa to
shareek-e-safar na jaan
Jo chhaaon meharbaan ho
use apanaa ghar na jaan
[Parveen Shakir]
Ghar aap hii jagamagaa uthegaa
Dehaleez pe ik qadam
bahut hai
[Parveen Shakir]
Bahut se log the mahamaan
mere ghar lekin
Wo jaanataa thaa ke
ehatemaam kis ke liye
[Parveen Shakir]
Kal jaane kaise honge kahaan
honge ghar ke log
Aankhon men ek baar
bharaa ghar samet loon
[Ajmal Ajmali]
Log Toot jaate hain ek
ghar ke banaane men
Tum taras nahiin khaate bastiyaan
jalaane men
[Bashir Badr]
Deewaar khastaahaal hai
aur dar udaas hai
Jab se koii gayaa hai
meraa ghar udaas hai
[Nasir Basheer]
Yoon hii besabab na
phiraa karo
Kisii shaam ghar bhii
rahaa karo
Wo Gazal kii sachchhii
kitaab hai
Use chupake chupake parhaa
karo
[Bashir Badr]
Ghar nayaa bartan naye kapare
naye
In puraane kaagazaon kaa
kya karen
[Jaun Eliya]
Ilaahii mere dost hon Khairiyat
se
Ye kyoon ghar men patthar
nahiin aa rahe hain
[Khumar Barabankwi]
Jab ghar ko mere aag
lagii to kuchh maal bachaa thaa jalane se
Aur wo bhii un ke haath
lagaa jo aag bujhaane aaye the
[Unknown]
Mere Khudaa mujhe itanaa
to motabir kar de
Main jis makaan men rahataa
hoon us ko ghar kar de
[Unknown]
Use kahanaa ke palkon par
na taanke Khwaab kii jhaalar
Samandar ke kinaare ghar
banaa ke kuchh nahiin milataa
Ye achchhaa hai ke aapas
ke bharam na tootane paayen
Kabhii bhii doston ko
aazamaa kar kuchh nahiiln milataa
[Unknown]
Tujh bin ghar kitanaa soonaa
thaa
Deewaaron se Dar lagataa
thaa
[Nasir Kazmi]
Gharon pe naam the naamon
ke saath ohade the
Bahut talaash kiyaa koii
aadamii na milaa
[Bashir Badr]

LEAVE A REPLY

Please enter your comment!
Please enter your name here