Hain ghar ki muhaafiz meri dahaki hui aaNkhen

0
7

hai.n ghar kii muhaafiz merii dahakii hu_ii aa.Nkhe.n
mai.n taaq me.n rakh aayaa huu.N jalatii hu_ii aa.Nkhe.n

[muhaafiz = protector; taaq = shelf]

ik pal bhii kisii mo.D pe rukane nahii.n detii.n
kaa.NTo.n kii tarah jism me.n chubhatii hu_ii aa.Nkhe.n

raste me.n qadam phuu.Nk ke rakhanaa mere pyaaro
hai.n chaaro.n taraf shahar me.n bikharii hu_ii aa.Nkhe.n

yuu.N us ke bichha.D jaane pe aa.Nsuu na bahaao
manzar ko taras jaaye.ngii bhiigii hu_ii aa.Nkhe.n

[manzar = view]

qaatil ke sivaa ko_ii samajh hii nahii.n sakataa
kyaa dekhatii hai.n tasht me.n rakkhii hu_ii aa.Nkhe.n

[tasht = plate]

kyaa jaaniye kis Khvaab kii taabiir me.n gum hai.n
zulfo.n kii ghanii chaa.Nv me.n ulajhii hu_ii aa.Nkhe.n

‘Sagar’ shab-e-tiiraa me.n ujaalo.n kii amii.n hai.n
nafrat ke samundar me.n ye bahatii hu_ii aa.Nkhe.n

[shab-e-tiiraa = dark night; amii.n = trustworthy]

LEAVE A REPLY

Please enter your comment!
Please enter your name here