Is men koi shikava na shikaayat na gila hai

0
16

is me.n ko_ii shikavaa na shikaayat na gilaa hai
ye bhii ko_ii Khat hai ki mohabbat se bharaa hai

kyaa yaad dilaaye.nge mujhe mere sitam_gar
har naqsh-e-sitam Khud mere siine pe likhaa hai

mujh ko merii aavaaz sunaa_ii nahii.n detii
kaisaa ye mere jism me.n ik shor machaa hai

chehare me.n hai aa_iinaa ki aa_iine me.n cheharaa
maaluum nahii.n kaun kise dekh rahaa hai

LEAVE A REPLY

Please enter your comment!
Please enter your name here

16 + 16 =