Khamoshi Urdu Poetry

0
31
Topic : Khamoshi

kah rahaa hai dariyaa se samandar kaa sukoot
jis kaa jitanaa
zarf hai utanaa wo Khaamosh hai
[Iqbal]
[sukoot = silence;
zarf = capability/capacity]
bazm meN us ke
roo-ba-roo kyooN na Khaamosh baiThiye
us kii to
Khaamoshii meN bhii hai ye hii mudda’a ki yooN
[Mirza Ghalib]
[bazm = gathering;
roo-ba-roo = face to face]
umr bhar jalataa
rahaa dil aur Khaamoshii ke saath
shamaa ko ek raat
kii soz-e-dilii pe naaz thaa
[Saqib Lucknavi]
[soz = burning;
naaz = pride]
o aasmaaN waale
kabhii to nigaah kar
kab tak ye zulm
sahate raheN Khaamoshii se ham
[Sahir Ludhianvi]
Khaamosh tum bhii
the aur Khaamosh maiN bhii thaa
phir wo kaun thaa
jo itanii der bolataa rahaa
[Unknown]
zulmat kade meN
mere shab-e-Gam kaa josh hai
ek shammaa hai
daleel-e-sahar so Khaamosh hai
[Mirza Ghalib]
[zulmat =
darkness; kadaa = place; daleel = proof; sahar = dawn]
Khaamosh ai dil
bharii mehfil meN chillaanaa nahiiN achchhaa
adab pahalaa
qareenaa hai mohabbat ke qareenoN meN
[Allama Iqbal]
[adab = good
manners; qariinaa = condition]
Khaamoshii Khud
apanii sadaa ho aisaa bhii ho sakataa hai
sannaaTaa hii
gooNj rahaa ho aisaa bhii ho sakataa hai
[Zaka Siddiqui]
[sadaa =
woice/sound; sannaaTaa = silence]
maiN ne ye kab
kahaa ke mere haq meN ho jawaab
lekin Khaamosh
kyooN hai tuu koii faisalaa to de
[Rana Sahri]
[haq meN = in
favour of; jawaab = reply; faisalaa = decision]
lab-e-Khaamosh se
izhaar-e-tamannaa chaahe
baat karane ko
bhii tasveer kaa lehjaa chaahe
[Muzaffar Warsi]
[lab-e-Khaamosh =
silent lips; izhaar-e-tamannaa = expression of desire]
[lehjaa = style]
uff Khaamoshii kii
ye aaheN dil ko baramaatii huii
uff ye sannaaTe
kii shehnaaii kise aawaaz dooN
[Josh Malihabadi]
ye sukoot-e-naaz
ye dil kii ragoN kaa TooTanaa
Khaamoshii meN
kuchh shikast-e-saaz kii baateN karo
[Firaq?]
kabhii Khaamosh
baiThogii kabhii kuchh gungunaaogii
maiN utanaa yaad
aaooNgaa mujhe jitanaa bhulaaogii
[Unknown]
[gungunaanaa =
humming]
mooNh kii baat
sune har koii dil ke dard ko jaane kaun
aawaazoN ke
baazaaroN meN Khaamoshii pehchaane kaun
[Unknown]
Khaamoshii kaa haasil
bhii ek lambii sii Khaamoshii hai
un kii baat sunii
bhii ham ne apanii baat sunaaii bhii
[Gulzar]
[haasil = result]
SHARE
Previous articleIntezaar Urdu Poetry
Next articleKhalish / Chubhan/ Hurt Urdu Poetry

Awaargi.com is your News, Entertainment, Urdu Poetry, Fashion, Health and Care website. We provide you with the latest breaking news and videos straight from the entertainment industry.

LEAVE A REPLY

Please enter your comment!
Please enter your name here

8 − 4 =