Koocha Urdu Poetry

0
28
Topic : Koocha

nikalanaa Khuld se aadam kaa sunate aaye haiN lekin
bahut be-aabaroo
ho kar tere kooche se ham nikale
[Mirza Ghalib]
phir tere kooche
ko jaataa hai Khayaal
dil-e-gumgashtaa
magar yaad aayaa
[Mirza Ghalib]
zauf se
naksh-e-paa-e-moR hai tauq-e-gardaaN
tere kooche se
kahaaN taaqat-e-raam hai ham ko
[Mirza Ghalib]
tere kooche kaa
hai maail dil-e-muztar meraa
kaabaa ik aur
sahii qiblaanumaa aur sahii
[Mirza Ghalib]
kam nahiiN
jalwaagarii meN tere kooche se bahisht
yahii naqshaa hai
wale is qadar aabaad nahiiN
[Mirza Ghalib]
huii hai kis qadar
arzaanii-e-may-e-jalwaa
ki mast hai tere
kooche meN har dar-o-deewaar
[Mirza Ghalib]
rahate the kabhii
jin ke dil meN ham jaan se bhii pyaaroN kii tarah
baiThe haiN unhiiN
ke kooche meN ham aaj gunahgaaroN kii tarah
[Majrooh
Sultanapuri]
ho sake kyaa
apanii wahshat kaa ilaaj
mere kooche meN
bhii saharaa chaahiye
[Daag Dehlvi]
janaazewaalo na
chup ke qadam baRhaaye chalo
usii kaa koochaa
hai tuk karate haaye haaye chalo
[Hiranand ‘Soz’]
zindagii Khatm
jahaaN kii wo jagah phir na milii
tere kooche se
uThaaye liye jaate haiN mujhe
[Razaa]
abhii aaii bhii
nahiiN koochaa-e-dilbar se sadaa
khil gaii aaj mere
dil kii kalii aap hii aap
[Daag Dehlvi]
aql kahatii hai na
jaa koochaa-e-qaatil kii taraf
sarfaroshii kii
hawas kahatii hai ki chal kyaa hogaa
[Bedil Azeemabadi]
aa kar Kharaab
haiN tere kooche meN warnaa ham
ab tak to jis
zameeN pe rahe aasmaaN rahe
[Anwar]
paa-e-bosii bhii
tumheN yaar kii mil jaayegii
us ke kooche kii
zaraa Khaak to mil jaane do
[Unknown]
is kooche meN kaii
us ke shanaasaa bhii to haiN
wo kisii aur se
milane ke bahaane aaye
[Parveen Shakir]
ye
gardish-e-zamaanaa hameN kyaa miTaayegii
ham haiN
tawaaf-e-koochaa-e-jaanaaN kiye hue
[Qabil Ajmeri]
koii deewaanaa
chaahe bhii to lagzish kar nahiiN sakataa
tere kooche meN
paaoN laRakhaRaanaa bhool jaate haiN
[Qabil Ajmeri]
kitane
shoriidaasar muhabbat meN
ho gaye
koochaa-e-sanam kii Khaak
[Qabil Ajmeri]
koochaa-e-yaar
markaz-e-anwaar
apane daaman meN
dasht-e-Gam kii Khaak
[Qabil Ajmeri]
Gam-e-jahaaN ke
taqaaze shadeed haiN warnaa
junooN-e-koochaa-e-dildaar
ham bhii rakhate haiN
[Qabil Ajmeri]
saahib-e-dard ho
ke ham “Qabil”
koochaa-e-chaaragar
meN rahate haiN
[Qabil Ajmeri]
ye kooche ye
neelaamghar dilkashii ke
ye luTate hue
kaarawaaN zindagii ke
kahaaN hai kahaaN
hai muhaafiz Khudii ke
sanaa
Khwaan-e-taqdiis-e-mashriq kahaaN hai
ye purpeNch
galiyaaN ye beKhwaab baazaar
ye gumnaam raahii
ye sikkoN kii jhankaar
ye ismat ke saude
ye saudoN pe takaraar
sanaa Khwaan-e-taqdiis-e-mashriq
kahaaN hai
ta’ffun se purneem
roshan ye galiyaaN
ye masalii huii
adh khulii zard kaliyaaN
ye bikatii huii
khokalii rang-raliyaaN
sanaa
Khwaan-e-taqdiis-e-mashriq kahaaN hai
zaraa mulk ke
rahbaroN ko bulaao
ye galiyaaN ye
kooche ye manzar dikhaao
sanaa
Khwaan-e-taqdiis-e-mashriq ko laao
sanaa
Khwaan-e-taqdiis-e-mashriq kahaaN hai
[Sahir Ludhianvi]
SHARE
Previous articleKhwaab / Dream Urdu Poetry
Next articleMehfil Urdu Poetry

Awaargi.com is your News, Entertainment, Urdu Poetry, Fashion, Health and Care website. We provide you with the latest breaking news and videos straight from the entertainment industry.

LEAVE A REPLY

Please enter your comment!
Please enter your name here

four × three =