Mohabbat ik azeeyat hai

mohabbat sirf ik derd hai
mohabbat jeet hoti hai
mager isey haar kehtey hein
mohabbat dukh deti ha.


yeh her ik pal museebat hai
mohabbat ik azeeyat hai
mohabbat sirf ik derd hai



mohabbat mein sabhi jeeney merney ki
qasmein khaatey hein
mohabbat kerne waley, sapnoun ke
deep jalaatey hein


mohabbat bin maangey mil jaana
bhi aik naimat hai
mohabbat pa ke khoo janey mein
bhi koi hikmat hai


mohabbat ik azeeyat hai
mohabbat sirf ik derd hai



mohabbat mein mileey derd bhi
apney lagtey hain
mohabbat mein milii takleef hum
roz sehtey hain


mohabbat mein mitta detey hain
hum apni hi hasti ko
mohabbat mein amer ho janey ki
apni si koshish ho


mohabbat khuwaab ho ya koi
dilchasp haqeeqat ho



mohabbat mein hai posheeda
takmeel insaan ki


mohabbat qaieenaat mein
qoonjti awaaz hoti hai
mohabbat jeet hoti hai
mohabbat haar hoti hai

yeh her pal terpaati hai
mohabbat dil jalaati hai
yeh her lamha sataati hai
nami aankhoun mein rehti hai
khamshi mujh se kehti hai
mohabbat tum nahi kerna
mohabbat tum nahi kerna

hansi apni nahi rehti
khushi apni nahi rehti
dukh humjouli ban jaatey hain
sukh hum se aankh churaatey hain

socha tha hum ne bhi yehi
mohabbat hai nahi kerni
mager hum haar baithey hain
hum khud ko maar baithey hain



na apne nafs pe hai qaabu
na dil pe hukumraani hai
kaho tum hi mujhe humdum
yeh kaisi zindagani hai


ke houn main khud se sherminda
mohabbat meri afsurda

jisey paaya bh to aise
jaise sham'ma ko perwaana
usi ke ishq mein jeena
usi ishq mein hai mer jaana

nazroun mein wohi chehra
ho yaadoun mein wohi manzer
woh her pal sochtey rehna
unhi ko chahtey rehna
unhi ko maangtey rehna

unhi ko kehna mere ho
unhi se sherma jaana


woh un ke saath guzarey pal
hon jaisey haseen manzer

kaho tum hi mere jaana
ho kyoon nazroun se oujhal
na din ko chaain aata hai
na raat loori sunaati hai

teri yaadein teri baatein
mujhe abh zakhm deti hain
woh beetey pal suhaaney pal
hain abh mere liye aik boujh
jinhein jaana tum sambhalo
mujhe aa ker tum apna lo



tumhein paaney se khooney tak
tumhein khoo ker apn'aney tak
her ik pal thaa imtehaan
woh mera dil woh meri jaan

tumhi kaho mere humdum
mein kaise khud ko samjhaoun
ke apne dil ko behlaaoun
koi to ho ujli kiran
jo dey umeed mujhe humdum

ke ab mein haar baithi hoon
mein khud ko maar baithi hoon
jo ab hoon mein aise tanha


hai dil mera touta sa
jo na jurr ke bhi jurr paaye
na zakhm aise ke bher paayein
hain bas askhq jo behtey hain
yeh baa'rha mujh se kehtey hain



sahi kehta thaa pagal dil
sahi kehti thi meri soch
sahi kehti hai yeh duniya
mohabbat ik azeeyat hai
mohabbat sirf ik derd hai....!!!

Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment:

0 comments: