Umer jalvon men basar ho ye zaruri to nahin

0
8

umr jalvo.n me.n basar ho ye zaruurii to nahii.n
har shab-e-Gam kii sahar ho ye zaruurii to nahii.n

chashm-e-saaqii se piyo yaa lab-e-saaGar se piyo
beKhudii aaTho.n pahar ho ye zaruurii to nahii.n

nii.nd to dard ke bistar pe bhii aa sakatii hai
unakii aagosh me.n sar ho ye zaruurii to nahii.n

sheKh karataa to hai masjid me.n Khudaa ko sajade
usake sajado.n me.n asar ho ye zaruurii to nahii.n

sab kii nazaro.n me.n ho saaqii ye zaruurii hai magar
sab pe saakii kii nazar ho ye zaruurii to nahii.n

LEAVE A REPLY

Please enter your comment!
Please enter your name here