BHEEGI JANUARY LOT AEE HAI

0
8

BHEEGI JANUARY LOT AEE HAI
Wohi galiyan wohi koochay
Wohi sardi ka mausam hai
Esi andaz say apna nizam-e-zeest
Barham hai
Yeh haseen ittifiaq hai k
Bikhri chandni bhi hai
Wohi har simt veerani,
Udasi, tashnagi sii hai
Wohi hai bheer sochon ki
Musafir ajnabi aur
Dasht ki pinhaiyan phir say
Wohi tanhaiyan phir say
Mujhay sab yaad hai
Kuch saal pehlay ka yeh qisa hai
Wohi lamha tu veeranay ka
Ik abaad hissa tha
Kisi nay rat ki tanhai mein
Sargoshiyan ki thii
Kisi ki narz guftari nay dil ko
Loriyan di thii
Kisi nay meri tanhai ka sara
Kurb banta tha
Kisi nay raat ki chunri mein roshan chand
Taanka tha
Wo jis k honay say zindagi
Naghma sarai hai
Usay kehna k bheegi JANUARY lot
Aee hai
Bheegi JANUARY phir laut aee hai

LEAVE A REPLY

Please enter your comment!
Please enter your name here