Mareez / Bimaar Urdu Poetry

0
9

Topic : Mareez / Bimaar

Mareez-e-ishq par rahamat Khudaa kii
Marz barhataa gayaa joon-joon dawaa kii
[Meer Taqi Meer]
[rahamat = kindness; marz = illness; joon-joon = as (jaise-jaise)]
Un ke dekhe se jo aa jaatii hai moonh pe raunaq
Wo samajhate hain ki beemaar kaa haal achchhaa hai
[Mirza Ghalib]
Ab to beemaar-e-muhabbat tere
Qaabil-e-Gaur hue jaate hain
[Daag Dehlvi]
Beemaar tere jee se guzar jaayen to achchhaa
Jeete hain na marate hain ye mar jaayen to achchhaa
[Fani Badayuni]
Ulatii ho gaiin sab tadbeeren kuchh na davaa ne kaam kiyaa
Dekho is beemari-e-dil ne aakhir kaam tamaam kiyaa
[Meer Taqi Meer]
Aap uth rahe hain kyoon mere aazaar dekh kar
Dil Doobate hain haalat-e-beemar dekh kar
[Saqib Lucknawi]

LEAVE A REPLY

Please enter your comment!
Please enter your name here