Topic : Mulaqat

Jaane waale se mulaaqaat naa hone paaii
Dil kii dil men hii rahii baat naa hone paaii
[shakeel badayuni]

Kal raat zindagii se mulaaqaat ho gaii
Lab thar-tharaa rahe the magar baat ho gaii
[shakeel badayuni]

Tuu dil pe bojh leke mulaaqaat ko na aa
Milanaa hai is tarah to bichharanaa qubool hai
[unknown]

Ab kaun baat rah gaii ye baat bhii gaii
Yaani kabhii kabhii kii mulaaqaat bhii gaii
[mubarak azeemabadi]

Aaj to mil ke bhii na mile hon tujh se
Chaunk uthate the kabhii terii mulaaqaat se ham
[jan nissar akhtar]

Na jii bhar ke dekhaa na kuchh baat kii
Barii aarzoo thii mulaaqaat kii
[bashir badr]

Main ne maanaa ke mujhe un se muhabbat na rahii
Hamnashiin phir bhii mulaaqaat se jee darataa hai
[hasan naeem]

Beqaraarii thii sab ummiid-e-mulaaqaat ke saath
Ab wo agalii sii daraazii shab-e-hijraan men nahiin
[altaf husain hali]

Ye ek shab kii mulaaqaat bhii ganeemat hai
Kise hai kal kii khabar thorii door saath chalo
[ahmed faraz]

Munhasir waqt-e-muqarrar pe mulaaqaat huii
Aaj ye aap kii jaanib se naii baat huii
[hasrat mohani]



Kahaan wo shokh mulaaqaat khud se bhii na huii
Bas ek baar huii aur phir kabhii na huii
[jigar moradabadi]

Us ne kahaa itanii mulaaqaat bahut hai
Main ne kahaa ruk jaao abhii raat bahut hai
Aansoo mere tham jaayen to phir shauq ke jaanaa
Aise men kahaan jaaoge barsaat bahut hai
[unknown]

Uzr aane men bhii hai aur bulaate bhii nahiin
Baais-e-tark-e-mulaaqaat bataate bhii nahiin
[daag dehlvi]

Hooron se na hogii ye madaaraat kisii kii
Yaad aayegii jannat men mulaaqaat kisii kii
[bekhud dehlvi]

Chaand nikalaa thaa magar raat na thii pahalii sii
Ye mulaaqaat, mulaaqaat na thii pahalii sii

Ranj kuchh kam to huaa aaj tere milane se
Ye alag baat ke wo baat na thii pahalii sii
[nasir kazmi]

Kaise kah doon ki mulaaqaat nahiin hotii hai
Roz milate hain magar baat nahiin hotii hai
[shakeel badayuni]

Musaafir hain ham bhii musaafir ho tum bhii
Kisii mor pe phir mulaaqaat hogii
[bashir badr]

Dil men hai mulaaqaat kii khwaahish kii dabii aag
Mehandii lage haathon ko chhupaa kar kahaan rakhoon
[kishwar naheed]

"nadeem" jo bhii mulaaqaat thii adhoorii thii
Ki ek chehare ke piichhe hazaar chehare the
[ahmed nadeem qasmi]

Har mulaaqaat kaa anjaam judaaii kyoon hai
Ab to har waqt yahii baat sataatii hai hamen
[shahryar]

Tujh se mil kar hamen ronaa thaa bahut ronaa thaa
Tangi-e-waqt-e-mulaaqaat ne rone na diiyaa
[sudarshan faakir]

Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment:

0 comments: