Koi Phool dhoop ki pation men hary Riban se ßandha hua

0
7

Koi Phool dhoop ki pation men hary Riban se ßandha hua,

Woh Ghazal ka lehja neya neya sa Kaha hua na Suna hua,

Jisy le gai hai abhi Hawa woh worq tha dil ki Kitaab ka,

Kahin Aansuon se mita hua kehin Aansuon se Likha hua,

Kai Meel Rait ko kaat kar koi Maoj Phool khila gai,

Koi Perr payas se mar raha hai Nadi k Paas Kharra hua,

Wohi Khat k jis pe Jaga jaga do mehakty Hönton ke Chaand thy,

Kisi ßhooly ßasry se Taaq par Teh_e_Gard ho ga Daba hua,

Mujhy Haadison ne saja saja k ßohat haseen ßana dia,

Mera Dil ßhi jaisy Dulhan ka haath ho Mehandiyon se Racha hua,

Wohi Shehr hai wohi Raasty wohi Ghar hai aur wohi Laan ßhi,

Magar is Dareechy se poochna woh Darakht Anaar ka Kya hua,

Mery sath Jugnoo hai Hamsafar magar is Sharar ki ßisaat kya,

Yeh Chiragh koi Chiragh hai Na Jala hua na ßujha hua……!

LEAVE A REPLY

Please enter your comment!
Please enter your name here