Meri tanhai aur Mera December!

Kabhi jo toot ke barsa December,
Laga apna, Bohat apna December,

Guzar jata hai sara saal yun to,
Nahin kat’ta magar tanha december,

Bhala barish say kia sairaab hoga,
Tumharay wasl ka piyasa december,

Woh kab bichra? Nahi ab yaad lekin,
Bus itna yaad hai ke tha December,

Jama poonji yehi hai umar bhar ki..
Meri tanhai aur Mera December!

Guzar Jata Hai Sara Saal Youn Tu
Nai Kat’ta Magar Tanha December

Danay aai hain maray dard ki kimat mujh ko
kitni hamdard hain yah december ki phali barish

December meiin Kaha Tha Na K Waps Laut Aao Gy…
Abhi Tak Tum Nahi Lautay December Laut Aaya Hai…!

Thitharti Hoi Shab e siyah woh Bhi taweel Tar
“Mohsin”
Hijar kay Maroon pe Qayamat hai Yeh Decembe

Lutf-e-Mohabbat or bhi barha deti hay
Buhat anmol hoti hain ratain december k

December..!

Thehar jao na..
abhi lamhay nahi bikhray
abhi mosam nahi bichray
mere kamray ki thandak mein
abhi kuch dhoop baqi hai
mien aangan ke sab poday
abhi bhi gungunatay hein
mere bejan honton per
abhi muskan bhi wesi hai
kisi ke lot anay ka jese imkaan baqi hai

December…!

ik baat bolun mein?
mujhe is cheez ka darr hai
mera dil toot jye na..
agar tum maan jao to

Yaado’n Ki Shaawl Aurh Ker Awaragardiya’n

Kaati Hyn Yun Bhi Hum ne December Ki Sardiya’n … !!

Suno “December”
Usey Pukaro
Usey Bla Do
Usey Mila Do
Ab Is Say Pehle Keh Sal Guzrey
Ab Is Say Pehley Keh Sans Nikley
Wohi Likerien, Wohi Sitarey.
Meri Hathely Mai Qaid Ker Do
Yeh Akhari Shab K Akhari Pal
Koi Barra Ikattam Ker Do
Yeh Zindagi b Tamam Ker Do
Suno “December”
Usey Pukaro
Usey Mila Do

* December Yaad Aata Hy *

Hawa Ka Sard Jhonka Jab Mujhy
Chhoo K Guzarta Hy
Meri Socho’N K Darpan Men
December Ki Chatakhti Dhuup
Ek Chehra Banati Hy
Thithertey Sard Mausam Mein
Saba Jab Gungunati Hy
Hawa Seeti Bajati Hy,
Rag’Go’N Mein Sar-Sarati Hy
Tou Yun Lagta Hy,
College Ki Canteen Mein Bethi
Wo Phir Se Muskurati Ho,
Meri Coffee Ki Piyaali Se
Dhuwe’N K Garam Badal Ne
Koi Surat Banai Ho
Koi Khushbuu Ki Suurat Baat,
Nihaan Thi Jo Mere Dil Mein
Meri Aankho’N Se Parh Ker
Wo Zara Sa Muskurai Ho
Bas Ek Wo Khwaab Sa Lamha
Hy Rakht-E-Zindigani Jo,
December Ki Khunk Raato’N Mein
Aksar Yaad Aata Hy
Nahi Bhuula Jisey Ab Tak
Wo Manzar Yaad Aata Hy

* December Yaad Aata Hy *


Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment:

0 comments: