Suna hoga bohat tum ne….

kaheen aankhon ki rim jhim ka...
kahin palkon ki shabnam ka…

Parha hoga bahut tumne ….

kahen lehjay ki barish ka...
kaheen sagar ke aansu ka…

magar...

Tum ne kabhi humdam…

kaheen daikhay...? kaheen parkhay...?

kisi tehreer ke aansoo…!!

Mujhe teri judaai ne…

yehi mairaaj bakhshi hai…
Ke main jo lafz likhti hoon…
woh saray lafz rotay hain...
ke main jo harf bunta hon…
woh saray bain kartay hain...

mere sang is judaai main…
mere alfaz martay hain...

sabhi tareef kartay hain…
meri tehreer ki lekin...

abhi koi nahin sunta…
mere alfaz ki siski…

Falak bhi jo hila daalay...
mere lafzon main hain shamil…

usi taseer ke aansu...

kabhi daikho mere humdam…

meri tehreer ke aansoo..!!


Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment:

0 comments: