Mujhe Tum Is Tarah Sote Hue Mat Chor Kar Jana

0
9
مجھے تم اس طرح سوتے ہوئے مت چھوڑ کر جانا
مجھے بے شک جگا دینا
بتا دینا
محبت کے سفر میں ساتھ میرے چل نہیں سکتیں
جدائی میں ‘ہجر میں’ ساتھ میرے چل نہیں سکتیں
تمہیں رستہ بدلنا ہے
مری حد سے نکلنا ہے
تمہیں کس بات کا ڈر تھا
تمہیں جانے نہیں دیتا
کہیں پہ قید کر لیتا
محبت کی طبیعت میں
زبردستی نہیں ہوتی
جسے رستہ بدلنا ہو ‘ اسے رستہ بدلنے سے
جسے حد سے نکلنا ہو ‘ اسے حد سے نکلنے سے
نہ کوئی روک پایا ہے نہ کوئی روک پائے گا
تمہیں کس بات کا ڈر تھا
مجھے بے شک جگا دیتے
میں تم کو دیکھ ہی لیتا
تمہیں کوئی دعا دیتا
کم از کم یوں تو نہ ہوتا
مرے ساتھی حقیقت ہے
تمہارے بعد کھونے کے لیے کچھ بھی نہیں باقی
مگر کھونے سے ڈرتا ہوں
میں اب سونے سے ڈرتا ہوں –

LEAVE A REPLY

Please enter your comment!
Please enter your name here