zikr-e-shab-e-firaq se wehshat use bhi thi

0
24
zikr-e-shab-e-firaq se wehshat use bhi thi
meri tarah kisi se muhabbat use bhi thi
mujh ko bhi shauq tha naye chehron ki deed ka
rasta badal k chalne ki adat use bhi thi
Us rat der tak wo raha mahw-e-guftagu
masruf main bhi kam tha faragat use bhi thi
mujh se bichar k shahar main ghul mil gaya wo shakhs
Halanke shahar bhar se raqabat use bhi thi
wo mujh se barh k zabt ka adi tha ji gaya
Warna har ek sans qayamat use bhi thi
(Mohsin Naqvi) 
zikr-e-shab-e-firaq se wehshat use bhi thi -  - Zindagi Shayari, Picture Shayari, Ghazal Shayari

LEAVE A REPLY

Please enter your comment!
Please enter your name here

1 + 4 =