Best Urdu Poetry Ghazal Collection

0
14
Kiya Kiya Na Khawab Hijar K Mosam Mein Kho Gaye
Hum Jaagte Rahe Thay Magar Bakht So Gaye,

Us Ne Pyaam Bheje To Raste Mein Reh Gaye
Hum Ne Jo Khat Likhe Woh Hawaa Burd Ho Gaye,

Main Shaher-e-Gul Mein Zakham Ka Chehra Kise Dekhaon?
Shbnam Badast Log To Kaante Chabho Gaye,

Anchal mein Phool Le K Kahaan ja Rahi Hoon Main
Jo Aane Waale Log Thay, Woh Log To Gaye,

Kiya Jaane Ufaq Kau Udhar Kiya Tilsam Hai
Laote Nahi Zameen Par Ek Baar Jo Gaye,

Woh Bachpane Ki Neend To Ab Khawab Ho Gai
Kiya Umar Thi K Raat Howi Aur So Gaye,

Kiya Dukh Thay, Kon Jaan Sakega Nighar-e-Shab
Jo Mere Aur Tere Dopattay Bhego Gaye.



Beeti huyi ruton mein kho sa gaya hoon,
Chale aao ke teri yaad mein mar sa gaya hoon,

Teri kalaam karti ankhen, Tera muskurata chehra,
Un ki deed ko ab mein taras sa gaya hoon,

Woh aik pal ka milna dushwaar kar gaya mujhko,
Ke bagher ab tere mein toot sa gaya hoon,

Tere bicharne ki duhaayi doon ya bhula doon tujhko,
Tujhe yaad karte karte ab thak sa gaya hoon..


Pagal ankhon wali larki!
Itne mehnge khawab na dekho____
Thak jao gi!!
Kanch se nazuk khawab tumhare
Toot gaye to
Pachtao gi!!
Soch ka sara ujla kundan
Zabt ki rakh mein ghul jaye ga
Kachey pakkey rishton ki khushbo ka resham
khul jaye ga-!!
Tum kia jano?
Khawab, safar ki dhop ke taishey
Khawab, adhori rat ka dozakh
Khawab, khiyalon ka pachtawa
Khawabon ki manzil ruswai!
Khawabon ka hasil tanhai!!
Tum kia jano?
Mehnge khawab kharedna hon to
Ankhien bechna parti hain____Ya
Rishte bholna parte hain
Andeshon ki rait no phanko
Piyas ki aot sarab na dekho
Itne mehnge khawab no dekho–!!
Thak Jao Gi!!


Main azal ki shaakh se toota hua,
Phir raha hoon aaj tak bhatka hua,

Dekhta rehta hai mujhe ko raat din,
Koi apne takht per betha hua,

Chand taare dur peechey reh gaye,
Main kahan par agaya urta hua,

Band khirki se hawaa ati rahi,
Aik sheesha tha kahin toota hua,

Khirkiyon mein, Kaghzon mein, Maiz per,
Saarey kamre mein hai woh phelaa hua,

Apne maazi ka samundar chaaniye,
Ik khazaana hai yahan dooba hua,

Doston ne kuch sabak aese diye,
Apne saaye se bhi hoon sehma hua,

Kis ki aahat atey atey ruk gayi,
Kis ne mera saans hai roka hua? 


Woh Ziddi Tha Bohat Magar!
Meri Eltijaon Pe Maan Jata Tha!

Meri Har Baat Pe Woh inkaar Karta!
Magar Meri Zidd Pe Woh Haar Jata Tha!

Woh Mujh Ko Hamesha Ajnabi Hi Kehta Tha!
Magar Doston Ki Tarha Hi Rakhta Tha!

Woh Tark-e-talluk Ka khawaan To nahi Tha!
Magar Raabtay Bhi Kam Rakhta Tha!

Meri Hansi Usay Buri Lagti Thi!
Magar Mujhe Woh Rota Bhi nahi Dekh Sakta Tha

Jis K intezar Main Khud Ko Bhula Diya!
Woh Hamesha Mujhe Pagal kaha karta Tha..


Dheeray Se Sarakti Hai Raat Us Ke Aanchal Ki Tarah
Uska Chehra Nazar Aata Hai Jheel Main Kanwal Ki Tarah

Baad Muddat Usko Daikha To Jism-o-Jaan Ko Yun Laga
Pyasi Zameen Pe Jaisay Koi Baras Gaya Baadal Ki Tarah

Roz Kehta Hai Seenay Pe Sar Rakh K Raat Bhar Jaga’uon Ga,
Sar-e-Sham Hee Mujhe Aaj Phir Sula Gaya Wo Kal Ki Tarah,

Mere Hee Dil Ka Makee.n Nikla Wo Shakhs “Wasi”
Aur Mein Shehar Bhar Me Dhundta Raha Usy Kisi Pagal Ki Tarah 


Bichartey lamhey jo main ney poocha,
Tumari aankhon ko kia huwa hai
Tou uski aankhon ki beeghi palkein bata rahi thin
kahaniyan kuch suna rahi thin
Puranay qissey gaye dinon k,
Aur us k honton ki larzishon se main sun raha tha kuch aisi batein,
K jin ki aahat ye keh rahi thi
k meri khatir bas itna kar lo
Ye chnd saansein mera asasa
Tum in ko ley lo!
Par is k badlay ye eltija hai
Abhi na jana!
Kabi na jana! 


Yaad ro ro ke teri satati rahi
Aag judai ki dil ko jalati rahi
Aandhiyan jab guzarti rahi baagh se
Shakh-e- gul apne sar ko jhukaati rahi
Apni mohabbat ki nakaamiyan kya kahoon
Khwaish-e-ishq har kadam mujhe rulati rahi
Woh doosron se has has ke milte rahe
Meri he badkismati ashq bahati rahi
Hum wafa jinse karte rahe umar bhar
Hum pe unki jafa muskurati rahi
Shayad kusur meri mohabbat ka he hai
Jo sab sehkar bhi unein chahti rahi


Mein gurez kya karta us ke sath chalne se,
Zakham to nahin bharta raaste badalne se,

Ishrat shabana to yaar ki razaa se hai,
Yeh khushi nahin milti sirf sham dhalne se,

Aarzuu ki chingaari kab tak sulag sakti,
Bujh gaya hai dil akhir bar bar jalne se,

Zindagi ka har mohra be-rukhi ke rukh par hai,
Yeh bisaat ultey gi aik chaal chalne se,

Doobta hua suraj kya mujhe ujaaley ga,
Main chamak uthoon shayed chand ke nikalne se..


Bharosa Toot Janay Se Zara Pahlay Bata Daina
Mujhay Tum Azmanay Se Zara Pahlay Bata Daina

Kisi Heelay Bahanay Se Zara Pahlay Bata Daina
Ke Mujhko Tum Bholanay Se Zara Pahlay Bata Daina

Zamin Ke Rait Pe Tumne Mohabbat Se Likhi Thi Jo
Woh Tahrerain Mitanay Se Zara Pahlay Bata Daina

Mairay Dilber Ke Is Dill Par Main Rakh Loon Zabt Ka Pathar
Suno Daman Churanay Se Zara Pahlay Bata Daina

Kisi Bhi Mor Pe Bura Pao Agar Mujhko
Bharosa Toot Janay Se Zara Pahlay Bata Daina.
Best Urdu Poetry Ghazal Collection -  - Picture Shayari, My List, Ghazal Shayari, August 2014

LEAVE A REPLY

Please enter your comment!
Please enter your name here